Phean News: ព្រះមហាវីរក្សត្រមិនអាចយាងនិវត្តន៍មកកាន់មាតុភូមិតាមគម្រោងទេ

ព្រះមហាវីរក្សត្រ សម្តេចព្រះ នរោត្តម សីហនុ បានប្រកាសនៅថ្ងៃ២៥ ធ្នូថា ព្រះអង្គនឹងមិនអាចយាងនិវត្តន៍មកកាន់មាតុភូមិតាមគម្រោងនាខែ កុម្ភៈ ឆ្នាំ២០០៩ខាងមុខនេះទេ ដោយសារតែគ្រូពេទ្យចិនបានរកឃើញថាព្រះអង្គកើតមានរោគមហារីកជា ថ្មីទៀត។ព្រះអង្គម្ចាស់ ស៊ីសុវត្ថិ ធម្មិកោ ទីប្រឹក្សាអមព្រះរាជខុទ្ទកាល័យព្រះមហាក្សត្របានមានបន្ទូលឲ្យដឹង ថា តាមព្រះរាជសាររបស់ព្រះមហាវីរក្សត្រនៅថ្ងៃ២៥ ធ្នូនេះ បានបញ្ជាក់ថា គ្រូពេទ្យបានរកឃើញថា ព្រះអង្គមានរោគមហារីកថ្មីទៀតហើយ ជាមួយនោះនៅក្នុងព្រះរាជសារនោះមិនបានបញ្ជាក់ពីពេលវេលាដែល ត្រូវព្យាបាលនោះទេ ដូច្នេះក៏មិនអាចដឹងអំពីពេលវេលាណាដែលត្រូវយាងត្រឡប់មកវិញ ផងដែរ។គួរបញ្ជាក់ថា ព្រះមហាវីរក្សត្រ សម្តេចព្រះ នរោត្តម សីហនុ ដែលមានព្រះជន្ម៨៧ព្រះវស្សា ទ្រង់ធ្លាប់មានបន្ទូលរួចមកហើយដែលចេញផ្សាយក្នុងទំព័រវ៉ឹបសាយថ៍ របស់ព្រះអង្គថា រោគារបស់ព្រះអង្គកាន់តែមានសភាពធ្ងន់ធ្ងរទៅៗ ហើយមើលទៅហាក់ដូចជាព្រះអង្គមិនអាចមានព្រះជន្មរស់នៅបានយូរតទៅ ទៀតឡើយ។ព្រះអង្គទ្រង់បានត្រូវក្រុមវេជ្ជបណ្ឌិតជំនាញចិនបង្កើនការត្រួត ពិនិត្យព្រះរោគព្រះអង្គដែលមានជំងឺមហារីក ទឹកនោមផ្អែម និងជំងឺលើសឈាម ពីមួយដងក្នុងមួយសប្តាហ៍មកជាច្រើនដងវិញ ហើយពេលខ្លះពិនិត្យពីរដងក្នុងមួយថ្ងៃក៏មានដែរ។
ព្រះអង្គម្ចាស់ ស៊ីសុវត្ថិ ធម្មិកោ ទីប្រឹក្សាជាន់ខ្ពស់របស់ព្រះមហាក្សត្របានមានបន្ទូលថា ក្រោយការពិនិត្យព្រះរាជសុខភាពរបស់ព្រះអង្គមិនមានអ្វីធ្ងន់ធ្ងរ ឡើយ ៖ «ព្រះរាជសុខភាពរបស់ព្រះករុណាព្រះមហាវីរក្សត្រ ដូចជាមិនធ្ងន់ធ្ងរប៉ុន្មានទេ ហើយបើសិនជាយើងមើលអក្សររបស់លោក អក្សរក៏នៅស្មើល្អ អត់មានវៀច អត់មានឡើងចុះអីទេ គឺគ្រាន់តែមើលព្រះរាជសារគឺយើងដឹងច្បាស់ថា លោកនៅរឹងមាំនៅឡើយទេ។ ជំងឺរបស់លោកគឺហាក់ដូចជាមិនធ្ងន់ធ្ងរប៉ុន្មានទេ»។ព្រះអង្គម្ចាស់ ស៊ីសុវត្ថិ ធម្មិកោ បានមានបន្ទូលទៀតថា ក្រោយការពិនិត្យនិងព្យាបាលព្រះរាជសុខភាពព្រះមហាក្សត្រពីគ្រូពេទ្យ ចិនអស់រយៈពេលពីរថ្ងៃនោះ ព្រះអង្គបានយាងត្រឡប់មកព្រះរាជដំណាក់របស់ព្រះអង្គវិញ។ព្រះអង្គម្ចាស់ ធម្មិកោ មានបន្ទូលបន្ថែមដូច្នេះថា ៖ «ក្នុង រយៈពេលពីរថ្ងៃដែលលោកគង់ក្នុងមន្ទីរពេទ្យ គឺលោកបានទទួលការព្យាបាលជំងឺមហារីកដែលបានកើតឡើងសាទីបី ហើយក្នុងរយៈពេលហ្នុងគេបានព្យួរស៊ីរ៉ូមថ្វាយលោក គេបានដកឈាម និងគេបានពិនិត្យលោក។ ថ្ងៃ៣០ និងថ្ងៃ៣១ [ធ្នូ] មានសាស្ត្រាចារ្យពេទ្យ មានវេជ្ជបណ្ឌិតចិនល្បីល្បាញបំផុតនៅសាធារណរដ្ឋប្រជាមានិតចិន ក៏គេបានចូលទៅថ្វាយបង្គំគាល់លោកដើម្បីពិនិត្យលោក ហើយចុងក្រោយទៅ សម្រេចចិត្តឈប់ព្យួរស៊ីរ៉ូមថ្វាយលោក ហើយសម្រេចថ្វាយថ្នាំគ្រាប់ទៅវិញដើម្បីព្យាបាលជំងឺមហារីករបស់លោក ដូច្នេះចាប់តាំងពីថ្ងៃ១ មករា ២០០៩នេះ គឺលោកនឹងសោយព្រះឱសថជាថ្នាំគ្រាប់រហូតដល់ពេលលោកជាដាច់ពី មហារីកហ្នឹង»។ព្រះមហាវីរក្សត្រ សម្តេចព្រះ នរោត្តម សីហនុ ដែលមានព្រះជន្ម ៨៦ព្រះវស្សា ទ្រង់ធ្លាប់មានព្រះរាជបន្ទូលរួចម្តងហើយ ដែលចេញផ្សាយក្នុងទំព័រវ៉ឹបសាយថ៍របស់ព្រះអង្គថា ព្រះរោគាពាធរបស់ព្រះអង្គកាន់តែមានសភាពធ្ងន់ធ្ងរទៅៗ។ព្រះអង្គទ្រង់បានត្រូវក្រុមវេជ្ជបណ្ឌិតជំនាញចិនបង្កើនការត្រួត ពិនិត្យព្រះរោគព្រះអង្គ ដែលមានជំងឺមហារីក ទឹកនោមផ្អែម និងជំងឺលើសឈាម ពីម្តងក្នុងមួយសប្តាហ៍ មកជាច្រើនដងវិញ ហើយពេលខ្លះពិនិត្យពីរដងក្នុងមួយថ្ងៃក៏មាន៕

From RFA

Phean News

Sunday, January 4, 2009

ព្រះមហាវីរក្សត្រមិនអាចយាងនិវត្តន៍មកកាន់មាតុភូមិតាមគម្រោងទេ

No comments:

here are my Tourism bloge and teacher's blogs

Welcome to visit my bloggers!

Here are my friend's bloggers

Blog Archive

About Me